Lýsing
Naso-ratiopharm er ætlað til að draga úr aukinni slímmyndun í tengslum við nefslímubólgu og skútabólgu. Sterkari styrkleikinn 1 mg/ml er ætlaður fyrir fullorðna og börn eldri en 10 ára. Skammtar eru einn úðaskammtur (0,14 ml) í hvora nös, ekki oftar en þrisvar á dag, mest 7 daga í senn. Tíminn á milli skammta skal ekki vera styttri en 6 klst. Nefúða sem er 1 mg/ml skal ekki nota handa börnum yngri en 10 ára. Fyrir börn yngri en 10 ára og fullorðna fæst nefúði sem er 0,5 mg/ml. Ekki er mælt með notkun lyfja sem innihalda xylometazolin hjá börnum yngri en 2 ára.
